"Napoli" prezidenti bunga rozi bo'ldi

 22 DEKABR, 2023, 13:06

"Napoli" yarim himoyachisi Elif Elmas tez orada "RB Leyptsig" safiga qo'shiladi, bu haqda insayder Fabritsio Romano ijtimoiy tarmoqda ma'lum qildi.

Manbaga ko'ra, Italiya jamoasi prezidenti Aurelio De Laurentis futbolchini sotishga rozi bo'lgan va transfer summasi 25 million evroni tashkil qiladi.

Joriy mavsumda Shimoliy Makedoniya terma jamoasining 24 yoshli futbolchisi barcha turnirlarda 16ta o'yinda ishtirok etib, ikkita gol urgan.

Elmas avvalroq Makedoniyaning “Vorkers” klubi hamda Turkiyaning “Fenerbaxche” klubida o'ynagan.