"Milan" "Betis" himoyachisini o'z safiga qo'shib olishga yaqin turibdi

 22 DEKABR, 2023, 12:42

"Betis"ning 23 yoshli himoyachisi Xuan Miranda Italiya chempionatiga o'tishga yaqin turibdi, bu haqda Todofichajes portali xabar bermoqda.

Manbaga ko'ra, futbolchining yangi klubi "Milan" bo'ladi. Tomonlar kelishuvni qishki transfer oynasida rasmiylashtiradi. Himoyachining bozor qiymati to'qqiz million evroga baholanmoqda. Uning amaldagi shartnomasi 2024 yilning iyun oyi oxirigacha amal qiladi.

Joriy Ispaniya chempionatida Miranda 11 ta o'yin o'tkazdi. Himoyachi bitta golli uzatmani amalga oshirdi va uchta sariq kartochka oldi.