Mbappe TOP-5 ligada eng ko'p gol urgan frantsuzlar orasida Anridan o'zib ketdi

 2 NOYABR, 2025, 02:42

Kilian Mbappe Evropaning top-5 ligalarida gollar soni bo'yicha Terri Anrini ortda qoldirdi.

"Real" hujumchisi La Liganing 11-turida "Valensiya"ga qarshi o'yinda (3:0, ikkinchi bo'lim) dubl qayd etdi.

Endi Mbappe chempionatlarda 235 ta gol urib, Evropaning beshta asosiy ligasida (Ispaniya, Angliya, Italiya, Germaniya, Frantsiya) ishtirok etgan frantsuzlar orasida uchinchi o'ringa ko'tarildi. Terri Anri hisobida 233 ta gol bor.

Hozircha Mbappeni Bernar Lyakomb (255) va Karim Benzema (281) ortda qoldirmoqda.