Rabo: "2016 yillari Desham haqida boshqacha fikrda edim"

 7 DEKABR, 2022, 21:47

Frantsiya terma jamoasi yarim himoyachisi Adrien Rabo milliy terma jamoa bosh murabbiyi Dide Desham haqidagi fikrlari bilan o'rtoqlashdi.

Frantsiya terma jamoasi JCh-2022 chorak finalida Angliyaga qarshi bahs olib boradi.

"Desham rivojlandi. Menimcha, u juda ochiq, vazmin, shuningdek, juda yaxshi inson. 2016 yilda men u haqida boshqacha fikrda edim, ba'zi tafsilotlarga e'tibor bermadim. Hozir men Deshamning odamlar bilan muomala qilishda biroz qulayligini ko'ryapman. Bu barchamizni bir-birimizga moslashishga majbur qiladi", — dedi Rabo RMC Sport bilan suhbatda.