Darmian "Inter" bilan shartnomani uzaytirdi

 22 DEKABR, 2023, 12:12

Himoyachi Matteo Darmian "Inter" bilan yangi shartnoma imzoladi, bu haqda jurnalist Nikolo Skira ijtimoiy tarmoqlar orqali xabar berdi.

Insayderning xabar berishicha, tomonlar 2025 yilgacha amal qiladigan shartnoma imzolagan. "Neradzurrilar" tez orada kelishuvni rasman e'lon qilishadi.

Italiya chempionatining joriy mavsumida 34 yoshli himoyachi 15 ta o'yinda maydonga tushib, sariq kartochka oldi. A Seriyaning 16-turidan so'ng "Inter" 41 ochko jamg'arib, turnir jadvalida birinchi o'rinni egallab turibdi. Simone Inzagi shogirdlari eng yaqin ta'qibchisidan 4 ochko oldinda.