"Barselona" "Arsenal" yosh yulduziga qiziqib qoldi

 7 DEKABR, 2022, 17:41

"Barselona" "Arsenal" hujumchisi Gabriel Martinelliga qiziqish bildirmoqda, deb xabar beradi Diario Sport. Kataloniyaliklar kelishuvni 2023 yilning yozida yopishni kutmoqda.

Shu bilan birga, "Arsenal" allaqachon 21 yoshli braziliyalik futbolchi bilan shartnomasini 2026 yilgacha uzaytirish taklifini bildirgan. Amaldagi kelishuv 2024 yilning yoziga qadar mo'ljallangan.

Hujumchi joriy mavsumda 17 ta o'yinda maydonga tushib, 5 ta gol va 2 ta golli uzatmaga mualliflik qilgan.

Transfermarkt portali futbolchining narxini 60 million evroga baholamoqda.

Martinelli Braziliya terma jamoasining Qatarda bo'lib o'tayotgan 2022 yilgi jahon chempionati uchun kengaytirilgan tarkibiga kiritilgan va turnirdagi 4 ta o'yindan 3 tasida maydonga tushgan.