"Inter Mayami" Suaresning transferini qachon e'lon qilishi ma'lum bo'ldi

 22 DEKABR, 2023, 10:24

"Inter Mayami" yana bir yangi yulduzni tanishtirishga tayyorlanmoqda.

Yaqinda OAVda klubning urugvaylik bilan kelishuvi haqida ma'lumotlar paydo bo'ldi. Jurnalist Luis Omar Tapiyaning yangilangan xabariga ko'ra, 36 yoshli forvardning transferi juma kuni rasman tasdiqlanadi. Futbolchining shartnomasi 2024 yil oxirigacha mo'ljallangan.

"Barselona"da Luis Suares bilan birga o'ynagan Lionel Messi, Jordi Alba va Serxio Buskets "Inter Mayami" safida yana birlashadi.

"Inter Mayami" so'nggi MLS musobaqasida 14-o'rinni egallab, pley-offga chiqa olmadi. Jamoa 34 uchrashuvdan 9 ta g'alabaga erishib, 34 ochko jamg'argan.