Sheshkoning golsiz seriyasi davom etmoqda

 1 NOYABR, 2025, 22:12

"Manchester Yunayted" hujumchisi Benjamin Sheshko yana bir o'yinni golsiz o'tkazdi.

Bugun "qizillar" APLning 10-turida "Nottingem Forest" bilan 2:2 hisobida durang o'ynadi. Sloveniyalik futbolchi o'yinni asosiy tarkibda boshladi, ammo gol ura olmadi.

Sheshko "Manchester Yunayted" safida barcha musobaqalarda 11 ta o'yinda maydonga tushib, 2 ta gol va 1 ta golli uzatmaga mualliflik qilgan. U shu yozda "Leyptsig"dan ingliz klubiga 76,5 million evro va 8,5 million evro evaziga qo'shilgandi.