«Chelsi» «Sporting» hujumchisi uchun 100 million evro to'lamoqchi

 22 DEKABR, 2023, 08:36

«Chelsi» qishki transfer paytida o'z tarkibini «Sporting» hujumchisi Viktor Dekeresh bilan kuchaytirishi mumkin.

Londonliklar 25 yoshli futbolchini xarid qilish haqida o'ylashmoqda. Shvetsiyalik futbolchining o'z klubi bilan shartnomasida tovon puli sifatida 100 million evro ko'rsatilgan. «Sporting» Viktorni bu narxdan kamiga sotmoqchi emas.

Dekeresh joriy mavsumda 20 ta o'yinda ishtirok etib, 17 gol va 8 assist muallifiga aylandi. «Sporting» uni yozda 20 million evroga sotib olgandi.