Flik "Elche"ga qarshi o'yindan nimalarni kutayotganini aytdi

 1 NOYABR, 2025, 18:30

"Barselona" bosh murabbiyi Xans-Diter Flik La Liga doirasidagi "Elche"ga qarshi o'yini haqidagi fikrlari bilan o'rtoqlashdi.

O'yin yakshanba kuni bo'lib o'tadi, uning boshlanishi Toshkent vaqti bilan soat 22:30 ga belgilangan.

"Menga "Elche" ko'rsatadigan futbol yoqadi. Biz uchun pozitsiyani to'g'ri tanlash va yaxshi pressing qilish muhim bo'ladi. Jamoamiz yaxshi holatda, so'nggi ikki kun ichida mashg'ulotlarda ko'rganlarimdan juda mamnunman," - dedi Flik matbuot anjumanida.

"Barselona" Ispaniya chempionatining 10-turidan keyin 22 ochko to'plagan holda musobaqa jadvalida 2-o'rinda bormoqda. "Elche" - 14 ochko bilan to'qqizinchi.