"Real" ham Grinvud xizmatlariga qiziqib qoldi

 22 DEKABR, 2023, 03:54

Madridning “Real” klubi Meyson Grinvudni sotib olmoqchi bo'lgan klublar qatoriga qo'shildi.

22 yoshli futbolchi "Xetafe"da "Manchester Yunayted"dan ijara asosida o'ynamoqda. Ba'zi ma'lumotlarga ko'ra, angliyalikning muvaffaqiyatini "Barselona" va "Atletiko" klublari kuzatib borishmoqda. Mundo Deportivo xabariga ko'ra, forvardga yana bir La Liga giganti "Real Madrid" ham qiziqish bildirmoqda. “Qizil iblislar” Meyson Grinvud borasida rejalari yo'q va kelasi yozda uning transferi bo'yicha takliflarni ko'rib chiqadi.

Meyson Grinvud “Xetafe” safida 15 ta o'yinda maydonga tushib, 5 ta gol va 4 ta golli uzatmaga mualliflik qilgan. Transfermarkt ekspertlari "MYu" tarbiyalanuvchisining narxini 5 million evroga baholamoqda.