Shou Angliya terma jamoasiga qaytishi kerakmi? Amorim javob berdi

 1 NOYABR, 2025, 17:42

"Manchester Yunayted" bosh murabbiyi Ruben Amorim himoyachi Lyuk Shouning Angliya terma jamoasiga qaytishi mumkinligi haqida fikr bildirdi.

30 yoshli futbolchi joriy mavsumda jarohatlarsiz o'ynamoqda - u "qizil iblislar"ning Premer-ligadagi barcha 9 o'yinida asosiy tarkibda maydonga tushdi.

"Menimcha, Shou Angliya terma jamoasiga chaqirilishga loyiq, ammo boshqa ko'plab futbolchilar haqida ham shunday deyish mumkin. Men Lyukning terma jamoada o'ynashini istayman, shu bilan birga u klub ixtiyorida qolib, tiklanib, bo'lajak o'yinlarimizga xotirjam tayyorlana olsa, xursand bo'laman," - deya Amorimning so'zlarini keltiradi UtdDistrict.

Angliya terma jamoasi JCh-2026 saralash bosqichi doirasida Serbiya (13.11) va Albaniya (16.11) terma jamoalariga qarshi maydonga tushadi.