"Fluminense" ustozi: "Manchester Siti" - dunyoning eng yaxshi klubi"

 22 DEKABR, 2023, 03:30

Braziliyaning “Fluminense” klubi bosh murabbiyi Fernando Diniz “Manchester Siti”ga qarshi bo'lib o'tadigan klublar o'rtasidagi jahon chempionati final uchrashuvi haqida gapirdi.

Libertadores kubogining amaldagi g'oliblari juma kuni Evropa chempionlar ligasi g'oliblariga qarshi o'ynaydi. Uchrashuv Toshkent vaqti bilan soat 23:00da boshlanadi.

"Biz dunyoning eng kuchli jamoasiga qarshi o'ynashimiz kerak, ammo bu fakt bizni g'alaba orzu qilishimizga to'sqinlik qilmasligi kerak. "Fluminense"da bo'lganimning boshidan beri shu daqiqani kutganman", - dedi Diniz.