"Inter Mayami" Suares bilan shartnomaning barcha detallarini hal qildi

 22 DEKABR, 2023, 02:36

Hujumchi Luis Suares Mayamining “Inter” klubi bilan kelishuvga erishdi.

36 yoshli futbolchi shartnomani uzaytirmaslikka qaror qilib, Braziliyaning "Gremio" jamoasini tark etdi va endi kutilganidek, AQShga ko'chib o'tadi. Inter Miami News Hub xabariga ko'ra, kelishuvning rasmiy tasdiqlanishi vaqt masalasidir. Tomonlar hamkorlikning barcha shartlari, jumladan, ish haqi va shartnoma muddati bo'yicha printsipial kelishuvga erishdilar. Mayamida urugvaylik futbolchi "Barselona"dagi sobiq jamoadoshlari Lionel Messi, Serxio Buskets va Jordi Alba bilan birga to'p tepadi.

Eslatib o'tamiz, Luis Suares Braziliya A Seriyasining so'nggi mavsumining eng yaxshi futbolchisi deb topildi.