UFC og'ir vaznlilar reytingi yangilandi, Pavlovich Top-3`ga kirib oldi
7 DEKABR, 2022, 09:10
UFC promousheni tomonidan og'ir vazn toifasi jangchilarining yangilangan reytingi elon qilindi.Yakshanba tongida avstraliyalik Tai Tuivasani 54 soniya ichida nokautga uchratgan rossiyalik UFC jangchisi Sergey Pavlovich rasmiy reytingda ikki pog'onaga yuqorilab, 3-o'ringa joylashib oldi. Pavlovich reytingda janggacha 4-o'rinda bo'lgan Tuivasa hamda 3-pog'onadagi amerikalik Kertis Bleydsni ortda qoldirdi.
Ayni paytda og'ir vazn toifasi chempioni Frensis Ngannu. Birinchi va ikkinchi o'rinlarni Siril Gan hamda Stipe Miochich band etishgan. Sergey Pavlovich Tuivasaga qadar o'tkazgan 4 jangining barchasida raqiblarini birinchi raunddayoq mag'lubiyatga uchratgan edi.
Manba: olamsport.com
