"Barsa" futbolchilariga Flikning mashg'ulotlari yoqmayapti

 1 NOYABR, 2025, 17:18

Xans-Diter Flikning mashg'ulot uslublari «Barselona»ning barcha futbolchilariga ham ma'qul emas. Diario AS ma'lumotlariga ko'ra, jamoaning ayrim o'yinchilari nemis murabbiyi tomonidan jismoniy jihatdan etarlicha kuchli mashg'ulotlar o'tkazilmayotganidan norozi. Shu sababli ular klubdan tashqarida alohida ravishda jismoniy holat ustida ishlashmoqda.

Xans-Diter Flik «Barselona»ni o'tgan yil yozida qabul qilib olgan edi. Hozirgi bosh murabbiy qo'l ostidagi ilk mavsumda «ko'k-anorranglilar» Ispaniya ichidagi barcha musobaqalarda g'oliblikni qo'lga kiritishgan. Hozirgi vaqtda kataloniyaliklar La Liga jadvalida ikkinchi o'rinni egallab turibdi. Ular «Real»dan besh ochko orqada ketmoqda.