«Manchester Yunayted» yarim himoyachini sotib olmoqchi — narxi 80 million evro

 1 NOYABR, 2025, 16:12

«Nottingem Forest»ning 22 yoshli yarim himoyachisi Elliot Andersonga Angliya Premer-ligasining boshqa vakili — «Manchester Yunayted» qiziqish bildirmoqda, deb xabar beradi Caught Offside nashri.

«Qizil iblislar» qishki transfer oynasida futbolchini o'z safiga qo'shib olishga urinib ko'radi. Shu bilan birga, «o'rmonchilar» yarim himoyachini 80 million evroga baholamoqda. Elliotning «Nottingem Forest» bilan mehnat shartnomasi 2029 yilning o'rtalarigacha amal qiladi.

2025/2026 yilgi mavsumda Anderson 12 ta uchrashuvda ishtirok etib, bir bor golli uzatma bergan. Transfermarkt portali uning bozor qiymatini 45 million evro deb baholagan.