"Atletiko" forvardi faoliyatini APLda davom ettirishga yaqin

 7 DEKABR, 2022, 06:07

Madridning “Atletiko” klubi hujumchisi Matteus Kunya faoliyatini Angliyada davom ettirishi mumkin, deya xabar bermoqda jurnalist Nikolo Skira.

Manbaga ko'ra, 23 yoshli braziliyalik futbolchiga "Vulverxempton" da'vogarlik qilmoqda. Qayd etilishicha, futbolchi Premer-liga klubiga o'tishga yaqin turibdi.

Kunya joriy mavsumda “Atletiko” tarkibida 17 ta o'yinda maydonga tushib, 2 ta golli uzatmani amalga oshirdi. Transfermarkt portali uning narxini 20 million evroga baholamoqda.