Superliga asoschilari klublarning ommaviy ravishda loyihani rad etishidan qo'rqmayapti, chunki...

 21 DEKABR, 2023, 23:42

Superliga etakchilarini Evropa klublarining musobaqada ishtirok etishdan ommaviy ravishda rad etishi xavotirga solayotgani yo'q. Bugungi kunning asosiy maqsadi Evropa sudidan ijobiy javob olish edi. Bu haqda "Relevo" xabar berdi.

Turnir rahbariyatining ishonchi komilki, klublar pirovardida ularning g'oyasiga quloq solishadi, chunki bu har tomonlama barchaga foyda keltiradi. Superliganing asosiy g'oyasi hamma uchun moliyaviy barqarorlikni yaratish va ular muvaffaqiyatga erishishlariga ishonishadi.

Ko'pgina klublar yangi musobaqa formatini yaxshi ko'rishlarini sahna ortida tasdiqlashdi va endi bu qanchalik foydali ekanligini aytish qiyin.

Superliganing ochilish sanasi aniq emas, ammo ular ertami-kechmi bu liga futbolning yangi haqiqatiga aylanishiga ishonch bildirishmoqda. Liga rahbarlari fikricha, bu amalga oshishi muqarrar bo'lgan loyiha.