"Bavariya" ham "eldan qolmadi"

 21 DEKABR, 2023, 23:24

"Bavariya" rasmiy saytida klub bosh direktori Yan-Kristian Drizenning bayonoti e'lon qilindi. U Evropa sudining Superligani yo'lga qo'yishga ruxsat beruvchi qaroriga izoh berdi.

Drizenning so'zlariga ko'ra, bu qarordan keyin klubning pozitsiyasi o'zgarmagan. "Bavariya" Superliganing tashkil etilishini ichki chempionatlarning ahamiyatiga va Evropa futboli tuzilishiga hujum, deb hisoblaydi.

“Biz UEFA shafeligida Evropa klublari o'rtasidagi musobaqalarga sodiqmiz. Shuning uchun yana bir bor aytib o'tishga ijozat bering, Superliga eshigi "Bavariya" uchun yopiqligicha qolmoqda", - dedi Drizen.