logotip
Assalom-u alaykum, Mehmon!
Soat: 17:00
KirishA'zo bo'lish
TAVSIYA QILAMIZ
Yangiliklar tasmasi

Portugaliyalik jurnalist Ronalduni keskin tanqid qildi

 6 DEKABR, 2022, 23:51

"Record Sports Daily" nashrining portugaliyalik jurnalisti Flavio Mikel Silva hujumchi Krishtianu Ronaldu jahon chempionatining nimchorak final bosqichidan o'rin olgan Shveytsariyaga qarshi o'yinni asosiy tarkibda boshlamasligi haqidagi xabarga o'z munosabatini bildirdi.

«Portugaliya va Shveytsariya terma jamoalari o'rtasidagi so'nggi bahslar gladiatorlar jangiga o'xshaydi. Bu galgi to'qnashuv ham bundan mustasno bo'lmaydi. Shveytsariya terma jamoasi dunyoning istalgan termasini to'xtata olishi mumkin. Chunki ularda taktik jihatdan intizom juda kuchli. Portugaliya favorit hisoblanadi, ammo jamoa guruh bosqichiga nisbatan kuchliroq o'ynashi kerak. Santush jamoasi uchun birinchi bo'lib gol urish juda muhim ahamiyatga ega.

Ronaldu hattoki maydonga tushsa ham, gol ura olmaydi, mabodo, raqib darvozasiga g'alati penalti qo'yilmasa. Ronaldu yomon formada va terma jamoani o'z ortida ergashtira olmayapti. Shuning uchun Santushning qarori asosli. Hozirda hujum chizig'ida Ronaldudan yaxshiroq o'ynaydigan futbolchilar bor.

Krishtianu bu darajada yomon formasi va ba'zi etakchilarning ishonchsiz harakati tufayli Portugaliyaning JCh finaliga chiqishiga ishonish qiyin. Ammo jamoa yarim finalga chiqishi mumkin», — dedi Silva.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR