«Persepolis» bosh murabbiyi O'runovni tanqid qildi

 1 NOYABR, 2025, 12:54

Eronning "Persepolis" klubi bosh murabbiyi Osmar Vieyra jamoaning o'zbekistonlik vingeri Oston O'runovni tanqid qildi.

«O'runov oxirgi ikki yilga nisbatan pasayib qolgan. Hozirgi O'runovni tanimayapman! U «Persepolis»da asosiy o'yinchiga aylanish uchun o'zini avvalgi formasiga qaytarishi shart», - deya 50 yoshli braziliyalik mutaxassis so'zlarini keltiradi Uzbekistan Legionaries.

Joriy mavsumda O'runov jami 8 ta o'yinda 1 ta golli uzatma amalga oshirdi. "Persepolis" hozirda Eron chempionatida 12 ochko bilan 8-o'rinda ketmoqda.