UEFA prezidenti: "Umid qilamanki, "Barselona" va "Real" o'zaro ajoyib turnir o'tkazishadi"

 21 DEKABR, 2023, 21:54

UEFA prezidenti Aleksander Cheferin Evropa sudi qaroriga munosabat bildirdi. Xabaringiz bor, sud UEFA monopolist bo'lishga va Evropa Superligasi tashkil etilishiga to'sqinlik qilishga haqli emasligi haqida qaror chiqargan.

"Ular xohlagan narsani yaratishi mumkin. Umid qilamanki, ular ikkita klub ishtirokida ajoyib turnir o'tkazishadi.

Men ularning turnir deb atalmish taqdimotini tomosha qildim. Bu 2021 yilda uni ishga tushirishga harakat qilgan va hamma rad etgan versiyadan ham yopiqroq.

Futbol birdamligicha qolmoqda. "Real" va "Barselona" nima qilayotganlarini bilishlariga ishonchim komil emas. Futbol sotilmaydi", - dedi Cheferin Marca nashriga.