logotip
Привет, Гость!
Сейчас: 10:37
Вход Регистрация
РЕКОМЕНДУЕМ
Новостная лента

Osiyo va Para Osiyo o'yinlarining qahramonlariga pul mukofotlari topshirildi

 21 DEKABR, 2023, 18:30

O'zbekiston Respublikasi Prezidentining Qarori va Vazirlar Mahkamasining tegishli Farmoyishiga binoan Xanchjou-2022 yozgi Osiyo va Para Osiyo o'yinlarida g'olib va sovrindor bo'lgan sportchilar, ularni tayyorlagan murabbiylarni taqdirlash marosimi bo'lib o'tdi. Poytaxtimizdagi Olimpiya va Paralimpiya shon-shuhrati muzeyida tashkil etilgan tadbirda O'zbekiston Respublikasi Prezidenti Administratsiyasi, Vazirlar Mahkamasi, Yoshlar siyosati va sport vazirligi, Milliy Olimpiya va Paralimpiya qo'mitalari, sport federatsiyalari mas'ullari, sportchi va murabbiylar, OAV xodimlari ishtirok etishdi.

Tadbirni O'zbekiston Respublikasi Prezidenti Administratsiyasi departament rahbari Odil Abduraxmanov ochib berar ekan, davlatimiz hamisha xalqaro maydonda muvaffaqiyat qozongan sportchilarimizni qo'llab-quvvatlab kelishi, ularga barcha sharoitlarni yaratib berishini ta'kidladi. O'z navbatida, Vazir Adham Ikramov, MOQ Bosh kotibi Oybek Kasimov hamda Milliy Paralimpiya qo'mitasi raisi Muxtorxon Tashxodjaev sportchilarimizni qutlab, ularning kelgusi faoliyatlarida, xususan, Parij-2024 Olimpiya va Paralimpiya o'yinlariga tayyorgarlik yo'lida o'zlarining iliq tilaklarini bildirishdi.

Prezident Qarori va O'zbekiston Respublikasi Vazirlar Mahkamasining tegishli Farmoyishiga binoan oltin medalni qo'lga kiritgan sportchilar 10 000, kumush medal egalari 5 000, bronza medali sohiblari 2500 AQSh dollari; ularning murabbiylari esa ushbu summalarning teng yarmi miqdorida, mos ravishda 5 000, 2500 hamda 1250 AQSh dollari miqdoridagi bir martalik pul mukofotlari bilan taqdirlanishdi.

Davlatimizning bunday e'tibori sportchi va murabbiylarimizni ham ilhomlantirdi. Tadbirda so'z olgan taekvondo WT bo'yicha Osiyo o'yinlari chempioni Ulug'bek Rashitov va boks bo'yicha O'zbekiston terma jamoasi bosh murabbiyi To'lqin Qilichev, shuningdek, para engil atletika bahslarida 1 ta oltin va 2 ta bronza medallarini qo'lga kiritgan Asila Mirzayorova hamda para kanoe bo'yicha O'zbekiston terma jamoasi murabbiyi Dilshod Yo'ldoshev ushbu e'tibor va g'amxo'rlik yangi Olimpiya yili oldidan katta motivatsiya bo'lishini ta'kidlab, kelgusida bundan ham ulkan g'alabalar sari mehnat qilishlarini bildirishdi.

Manba: stadion.uz

butsanet

telegram
BILDIRILGAN FIKRLAR
ЗАБАВНЫЕ ФАКТЫ И ЦИТАТЫ