Rays qaysi jamoaga o'tishni istayotgani ma'lum bo'ldi

 6 DEKABR, 2022, 21:19

"Vest Xem" yarim himoyachisi Deklan Rays "Liverpul"ga o'tishga intilmoqda, deb xabar beradi Give Me Sport.

Ammo "qizillar" hali "bolg'achilar"ga Angliya terma jamoasi futbolchisi uchun munosib taklif bilan chiqishgani yo'q.

23 yoshli inglizning "Vest Xem" bilan shartnomasi 2024 yilgacha mo'ljallangan va u bir necha bor shartnomani uzaytirishdan bosh tortgan. Transfermarkt portali futbolchining narxini 80 million evroga baholamoqda.

Rays joriy mavsumda “Vest Xem” safida 20 ta o'yinda maydonga tushib, 1 ta gol urdi va 2 ta golli uzatmani amalga oshirdi.