Brunu Fernandesh Shveytsariyaga qarshi o'yin oldidan fikr bildirdi

 6 DEKABR, 2022, 19:55

Portugaliya terma jamoasi yarim himoyachisi Brunu Fernandesh jahon chempionati 1/8 finalida Shveytsariya termasi bilan bo'lajak o'yin haqida gapirdi.

“Raqibimiz kim bo'lishi muhim emas. Maqsadimiz hamisha bir: keyingi bosqichga chiqish. Biz Shveytsariyani yaxshi bilamiz, ular bilan bir necha bor uchrashganmiz. Bizda g'alabalar va mag'lubiyatlar bo'ldi. Maqsadimiz o'tgan o'yinlardan ijobiy saboq olib, kamchiliklarni tuzatish va maksimal natijaga erishishdir", - deya Fernandeshning so'zlarini keltiradi FIFA rasmiy sayti.

Portugaliya terma jamoasi bugun, 6 dekabr kuni Qatarda bo'lib o'tayotgan jahon chempionati 1/8 finali doirasidagi o'yinda Shveytsariyaga qarshi maydonga tushadi.