Yuragi xuruj qilgan futbolchi shifoxonadan chiqdi

 21 DEKABR, 2023, 17:54

“Luton Taun” himoyachisi Tom Loker shifoxonadan chiqarildi.

Futbolchi seshanba kuni implantatsiya qilinadigan kardioverter defibrilator o'rnatilgandan so'ng uyda tiklanishni boshladi. Bu haqda klub rasmiy sayti xabar berdi.

Eslatib o'tamiz, yaqinda APL doirasida "Bornmut"ga qarshi o'yinda Loker ikkinchi bo'limda yuragi xuruj qilgani uchun maydondan olib chiqib ketilgandi. Hodisa tufayli o'yin to'xtatildi va endi qayta o'ynaladi.

"Luton Taun" hozirda Premer-liga turnir jadvalida 18-o'rinni egallab turibdi, ya'ni u pastga tushish zonasida.

Jamoa navbatdagi o'yinni 23 dekabr kuni o'z maydonida "Nyukasl"ga qarshi o'tkazadi.