Superliga bosh direktori UEFAning kamchiliklarini sanadi

 21 DEKABR, 2023, 17:36

Superliga bosh direktori ushbu turnir joriy evrokuboklardagi kamchiliklarni to'g'irlashini aytdi.

“Fevral oyida e'lon qilingan o'nta tamoyil bizning taklifimizning asosi bo'lib qolmoqda.

Ulardan ba'zilarini takrorlashga arziydi, masalan, ishtirok etish sport mahoratiga asoslanadi. Doimiy a'zolar bo'lmaydi va klublar o'z milliy ligalariga sodiq qoladilar.

Klublar bilan muhokamalar davomida biz ikkita asosiy muammoni aniqladik. Birinchisi, klublar Evropa darajasida yaxshi natija ko'rsatishi mumkin, ammo keyingi mavsumda Evropa musobaqalarida qatnasha olmaydi. Bu nohaqlik va sport printsipi tushunchasiga mos kelmaydi.

Ikkinchidan, klublar o'yinchilar, infratuzilma, ayollar jamoalari uchun mablag' ajrata olmaydi, chunki hozirgi tizimda klublarning katta qismi Evropadan keladigan daromadga tayana olmaydi.

Turnirimiz tuzilmasi ushbu muammolarni hal qilishga yordam beradi va shu bilan birga futbolchilar va muxlislarga yuqori darajadagi futbol uchun imkoniyatlar yaratadi, deb o'ylaymiz”, — dedi Bernd Rayxart.