Rabo: "Meni ingliz futboli qiziqtiradi"

 6 DEKABR, 2022, 17:32

“Yuventus” klubi va Frantsiya terma jamoasi yarim himoyachisi Adrien Rabo kelajagi haqida gapirdi. Futbolchining “keksa sinora” bilan amaldagi shartnomasi joriy mavsum oxirigacha hisoblangan.

"Meni ingliz futboli - Premer-liganing o'zi va uning o'ta raqobatbardosh tabiati qiziqtiradi. Men yosh bo'lsam ham Angliyada vaqt o'tkazishni yoqtirardim.

“Yuventus” bilan kelajagim haqida hali gaplashmadim, chunki mavsum boshlanishi biz uchun og'ir kechdi, bundan tashqari jahon chempionati ham yaqinlashib qolgandi. Turnirdan so'ng men kelajak haqida aniqroq o'ylay boshlayman", dedi Rabo ESPN'ga.