"Real" Endrik uchun 60 million evro taklif qildi

 6 DEKABR, 2022, 15:39

Madridning "Real" klubi "Palmeyras" bilan 16 yoshli hujumchi Endrikning transferi borasida muzokara olib bordi, deya xabar beradi Fabritsio Romano. Madrid klubi futbolchi uchun bonuslar bilan birga 60 million evro taklif qilgan.

Manbaga ko'ra, tomonlar o'rtasida muzokaralar davom etmoqda. Futbolchiga "Chelsi", "PSJ" va "Barselona" ham qiziqish bildirmoqda.

Endrik Evropa klublariga faqat 18 yoshga to'lsagina o'ta oladi. Madrid klubi braziliyalik hujumchini transfer qilish uchun 2024 yilda "Manchester Siti" hujumchisi Erlin Xolandning transferidan voz kechishga tayyor.

Joriy mavsumda Endrik “Palmeyras” safida barcha musobaqalarda 16 ta o'yinda maydonga tushib, 9 ta gol urdi va bitta golli uzatmani amalga oshirdi.