Rangnik Germaniya terma jamoasida ish boshlashi mumkin

 6 DEKABR, 2022, 15:24

Germaniya futbol assotsiatsiyasi Germaniya terma jamoasi bosh menejeri lavozimiga nomzodlarni ko'rib chiqmoqda. "Bayern & Germany" nashri xabariga ko'ra, da'vogarlar ro'yxatidan Ralf Rangnik ham bor.

Undan tashqari uyushma rahbariyati Matias Zammer, Lotar Matteus va Fredi Bobichning nomzodlarini ko'rib chiqmoqda. Avvalroq Oliver Birxoff bu lavozimni tark etgandi.

Rangnik hozirda Avstriya terma jamoasini boshqarmoqda. 2021 yilning noyabrida 64 yoshli mutaxassis “Manchester Yunayted”ga bosh murabbiy etib tayinlangan va bu lavozimda 2021/22 yilgi mavsum oxirigacha ishlab kelgan.

Germaniya terma jamoasi 2022 yilgi jahon chempionatida guruhdan chiqa olmadi.