logotip
Assalom-u alaykum, Mehmon!
Soat: 10:43
KirishA'zo bo'lish
TAVSIYA QILAMIZ
Yangiliklar tasmasi

Yaponiya qadriyati va madaniyati uyg'un!

 6 DEKABR, 2022, 13:01

Yaponiya milliy termasi maydon tashqarisidagi ishlari nuqtai nazaridan shubhasiz, jahonning eng o'zgacha va alohida jamoasidir.

 Yaponlar har doim ham JCh guruh raundidan o'tishmaydi, lekin insonlarga munosabat borasida chinakam o'rnak ko'rsatishadi. Ular bu masalada haqiqiy chempionlar!

Yaponiya qadriyatlari va madaniyati Qatar mundialida ham e'tibor markazida, albatta. Mana, «samuraylar» turnirga qudratli Germaniya milliy jamoasiga qarshi og'ir o'yin bilan kirishdilar va o'z an'analariga har tomonlama sodiq qolishdi. Birinchidan, Yaponiya milliy termasi futbolchilari o'yindan oldingi jamoaviy suratga tushish chog'i birinchi qatorning qoq o'rtasiga bosh oshpaz Nishi Yoshiteraga joy ajratishdi. E'tiborlisi, bunda jamoaning ovqatlanish tartibiga mutasaddi shaxs qo'liga sardorlik bog'ichini ham taqib qo'yishdi. Bu - futbolda har doim chetda qolib ketuvchi inson xizmatiga e'tibor namunasi. Zero, Yoshitera faoliyati davomida 5-jahon kubogida qatnashmoqda, albatta, «samuraylar» oshpazi rolida.

Ikkinchi tomondan, yaponiyalik muxlislar yuksak madaniyat egasi ekanliklarini namoyish etishmoqda. Ular xususan, Germaniya termasiga qarshi o'yindan so'ng butun «Xalifa» stadio­ni tribunalarini tozalab chiqishdan erinishmadi. Xullas, Qatarda Yaponiya qadriyatlari va madaniyati uyg'un holda ko'zga tashlanmoqda.

MUHAMMADSODIQ tayyorladi

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR