"Galatasaroy" Anxelinoni ortga qaytarmoqchi

 21 DEKABR, 2023, 15:00

"Galatasaroy" katta ehtimol bilan yanvar oyida chap qanot himoyachisi Anxelinoning ijarasini bekor qiladi.

Jurnalist Fabritsio Romano xabariga ko'ra, ispaniyalik futbolchi "RB Leyptsig"ga qaytishi kerak.

Manbaning xabar berishicha, Anxelino xizmatlariga beshga yaqin turli klublar qiziqish bildirmoqda.

Ispaniyalik futbolchi faoliyatini davom ettirish uchun barcha imkoniyatlarni faol o'rganib chiqmoqda.

Eslatib o'tamiz, Anxelino o'tgan yozda ijara asosida "Galatasaroy"ga o'tgandi. “Manchester Siti”ning sobiq futbolchisi joriy mavsum Turkiya chempionatida sakkizta o'yin o'tkazib, bitta golli uzatmani amalga oshirdi.