34 yoshli Remzi erkin agentga aylandi

 1 NOYABR, 2025, 05:42

Londonning "Arsenal" klubi sobiq futbolchisi Aaron Remzi Meksikaning "Pumas" klubi bilan mehnat shartnomasini bekor qildi. Insayder Fabritsio Romanoning yozishicha, bugundan boshlab tomonlar shartnoma majburiyatlari bilan bog'lanmagan. Uelslik xavbek erkin agentga aylandi.

Aaron Remzi yaqinda - joriy yilning iyul oyida Meksikaga ko'chib o'tdi. Futbolchi "Pumas" safida oltita o'yin o'tkazib, bitta gol urishga muvaffaq bo'ldi.

Dekabr oyi oxirida yarim himoyachi 35 yoshga to'ladi. U avvalroq "Kardiff", "Nitstsa", "Yuventus" va "Reynjers" sharafini himoya qilgan va faoliyatining eng yaxshi yillarini "Arsenal"da o'tkazgan, u erda 2008 yildan 2019 yilgacha o'ynagan.