“Chelsi” Jeymsni yana bir ko'rikka jo'natdi, shundan so'ng barchasi ma'lum bo'ladi

 21 DEKABR, 2023, 13:18

“Chelsi” himoyachisi Ris Jeyms “Everton”ga qarshi kechgan APL o'yinida jarohat oldi. London klubi o'z sardorining jarrohlik amaliyotini o'tkazishi kerakmi yoki yo'qligi bo'yicha hozircha bir qarorga kelmagan, buni jamoa bosh murabbiyi Maurisio Pochettino ham tasdiqlagan.

Evening Standard xabariga ko'ra, "Chelsi" chorshanba kuni Jeymsni qo'shimcha sinovga jo'natgan. "Aristokratlar" lagerida ular futbolchining tiklanish rejasini ishlab chiqishdan oldin uning ahvoli haqida ko'proq ma'lumot olishni istashadi.

Jarohatlari tufayli Ris Jeyms joriy mavsumda bor yo'g'i 9ta o'yinda maydonga tushdi. Ularda “Chelsi” sardori bitta golli uzatmani amalga oshirdi.