Kuper Suriyaning to'purar hujumchisini Osiyo Kubogiga olib bormaydigan bo'ldi

 21 DEKABR, 2023, 12:42

Suriya terma jamoasining Osiyo kubogi uchun 33 futbolchidan iborat kengaytirilgan ro'yxatida kutilmagan syurpriz.

Ro'yxatda terma jamoaning asosiy hujumchisi va sardori - Omar as Somaga ham joy topilmagan. Bu holat janubiy amerikalik hujumkor futbolchilar - Pablo Sabbag va Halil Eliasning tarkibga jalb etilishi bilan bog'lanmoqda.

Bosh murabbiy Ektor Kuper hujum chizig'ining oldingi etakchilaridan faqatgina Omar Hribinni tarkibda olib qolgan. Suriya terma jamoasi Osiyo kubogiga tayyorgarlikni 2024 yilning 1 yanvaridan Dubay shahrida boshlashi kutilmoqda.