"Milan" xavbeki uchun mavsumning qolgan qismi yakunlangan bo'lishi mumkin

 21 DEKABR, 2023, 11:42

"Milan" A Seriyada g'alabali yo'lga qaytdi, Stefano Pioli shogirdlari "Montsa"ni mag'lub etishdi, ammo kadrlar bilan bog'liq muammo bor edi - jamoa yarim himoyachisi Tommaso Pobega jarohat olib, safdan chiqdi.

Italiyaning La Gazzetta Dello Sport nashri aniqlik kiritishicha, hozir jarrohlik masalasi ko'rib chiqilmoqda - bu holatda Pobega katta ehtimol bilan mavsumning qolgan qismini o'tkazib yuboradi.

Ayni vaqtda "Milan" Italiya chempionati turnir jadvalida uchinchi o'rinda bormoqda. A seriyaning navbatdagi turida Stefano Pioli shogirdlari mehmonda “Salernitana”ga qarshi kurash olib borishlari kerak.