"Real" darvozaboniga APLda talab katta

 21 DEKABR, 2023, 11:42

Ayni damda Madridning “Real” klubida to'p tepayotgan ukrainalik darvozabon Andrey Luninga Angliya chempionati klublari orasida talab katta.

El Nacional xabariga ko'ra, darvozabon bilan Premer-liganing ikki vakili qiziqish bildirmoqda. Gap Londonning "Chelsi"si va "Nyukasl" haqida ketmoqda. Ikkala nomzod ham yanvar oyidagi transfer oynasida Andrey bilan shartnoma imzolashni istamoqda.

Joriy mavsumda Lunin "qirollik" klubida to'qqizta o'yin o'tkazdi. Ukrainalik futbolchining "Real" bilan shartnomasi 2025 yilning iyun oyi oxirigacha tuzilgan. Andreyning transfer qiymati besh million evroga baholanmoqda.