logotip
Assalom-u alaykum, Mehmon!
Soat: 20:38
KirishA'zo bo'lish
TAVSIYA QILAMIZ
Yangiliklar tasmasi

Yanvarda amalga oshirish kutilayotgan super transferlar

 21 DEKABR, 2023, 11:36

Garchand, katta klublar o'zlarining muhim figuralarini sotishni istashmasa ham, moliyaviy vaziyat va futbolchilar istagi ko'p narsani o'zgartirishga qodir. Biz yaqin tarixda qishki transferlar oynasida ko'plab yirik ko'chishlarga guvoh bo'lganmiz. Ular ichida 100 milliondan oshiq bo'lgan Entso Fernandes va Filippe Koutino xaridlari mavjud. Quyida narx va nom borasida ulardan qolishmaydigan ehtimoliy xaridlar haqida bilib olasiz.

Jeydon Sancho – "Borussiya Dortmund"ga


Sanchoning narxi borgan sari tushib ketmoqda. Ingliz hujumchisining "Orzular teatri"dagi ishlari hech yurishmadi. U hozirga qadar 82 ta bahsda 12 ta gol urishga erisha oldi xolos. Jeydon Sancho hozir Erik ten Xag bilan munosabat borasida muammoga ega. Shu sababli uni "MYu"dagi kelajagi xavf ostida. Futbolchining o'zi ham jamoasini yangilashga qarshi emas. Unga "BVB" qiziqish bildirmoqda. 23 yoshli hujumchi yana eski klubiga qaytishi mumkin. Oldingi davrda Sancho Bundesliga giganti uchun 137 o'yinda 117 ta golda qatnashgan edi. Bu safargisi esa undan ham yaxshi bo'lishi mumkin.

Ayvan Tauni – "Arsenal"ga

"Arsenal"ga yangi hujumchi kerak bo'lib turibdi. Mikel Arteta faqatgina Gabriel Jezusga ishonib qola olmaydi. Ha, u jamoani o'zgartirishda katta hissa qo'shdi. Ammo gol mashinasiga aylana olmadi. Qolaversa, braziliyalik jarohatlarga moyil futbolchi. Shu sababli klubga yangi, haqiqiy "to'qqizinchi raqam" egasi kerak. Ammo bunday transferni amalga oshirish uchun, avvalo Eddi Nketiani sotish lozim.
Ayni damda "Brentford" yulduzi Ayvan Tauni to'pchilar radarida turibdi. Uni super-transfer deyish qanchalik to'g'ri bo'lishini bilmaymiz. Ammo narx e'tibori bilan shundayligi aniq. Negaki, 27 yoshli hujumchini "Brentford" 100 million funtdan kamiga sotmoqchi emas.

Andre – "Liverpul"ga


Andre futbol ommasi nazariga Libertadorlar kubogi davrida tushgan edi. U "Fluminense" safida fantastik daraja namoyish etmoqda. APL klublari Andre xaridiga qiziqib qolgan. Yurgen Kloppga tayanchi yarim himoyachisi etishmayapti. Adre esa bu borada mersisaydliklar muammosiga echim bo'la oladi. 23 yoshli futbolchiga "MYu" ham da'vogarlik qilayotgan edi.

Gonsalu Inasiu – "Real"ga

Anchelotti mavsumning birinchi yarmida jarohatlardan qiynalayotgan "Real"ni yaxshi boshqarmoqda. Ammo himoyadagi muammolarga ortiq ko'z yumib bo'lmaydi. Alabaning safdan chiqishi madridliklarning uzoq muddatlik rejalariga putur etkazishi mumkin. Ayni damda ishonchli vakillardan faqatgina Antonio Ryudiger qoldi. Agarda unga ham zahm etsa nima bo'ladi? Shu nuqtayi nazardan jamoaga zudlik bilan himoyachi kerak. Bu borada "Sporting" yulduzi Inasiu yordamga keladi. 60 million evroga baholanayotgan futbolchi, yosh va chaqqon. Shu sabab, uni uzoq muddatni ko'zlab sotib olish mumkin.

Viktor Osimxen – "Chelsi"ga


Joriy mavsumda Osimxenga jarohatlar katta muammo keltirdi. Uning jamoasi esa turnir jadvalida ancha murakkab ahvolda qolmoqda. Nigeriyalik gol mashinasi o'tgan mavsumni 24 ta gol bilan yakunlagan. Ammo uning ketish vaqti etganga o'xshaydi. 120 million evro to'lagan klubgina 24 yoshli hujumchiga erisha oladi. "Chelsi" Osimxen uchun eng jiddiy da'vogar bo'lib turibdi. Pochettino jamoasi u orqali yana etakchilar safiga qaytib olishi mumkin.

 

 


ISMATOV J.

 
Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR