Ronaldu hali "An-Nasr"ga o'tishga rozilik bermagan

 5 DEKABR, 2022, 22:15

Mashhur futbol insayderi Fabritsio Romano portugaliyalik hujumchi Krishtianu Ronaldu Saudiya Arabistonining “An-Nasr” klubiga o'tishga hali rozi bo'lmaganini ma'lum qildi.

Romanoning tasdiqlashicha, saudiyaliklar Ronalduga 2025 yilgacha yiliga 200 million evro maosh bilan shartnoma taklif qilishgan. Biroq, Krishtianu hozircha shartnoma imzolanishini ma'qullamagan, chunki u bor e'tiborini Qatarda bo'lib o'tadigan jahon chempionatida ishtirokini davom ettirayotgan Portugaliya terma jamoasida o'ynashga qaratgan.