Santush Ronalduning almashtirilgan vaziyatidagi reaktsiyasi haqida gapirdi

 5 DEKABR, 2022, 21:14

Portugaliya terma jamoasi bosh murabbiyi Fernandu Santush hujumchi Krishtianu Ronalduning JCh-2022 guruh bosqichining Koreyaga qarshi o'yinida (2:1) almashtirilganiga munosabati yoqmaganligini aytdi.

"Ha, men Ronaldu almashtirilganda uning munosabati tasvirini ko'rdim. Menga umuman yoqmadi. Bunday masalalar yopiq eshiklar ortida hal qilinadi. Hozir esa bu masala allaqachon yopilgan", - deya Santushning so'zlarini keltiradi Daily Mail.

Portugaliya OAVlari futbolchi almashtirilganidan so'ng maydonni tark etayotganda bosh murabbiyga nisbatan haqoratomuz so'zlarni ishlatganini xabar qildi.

JCh-2022 1/8 finali doirasidagi Portugaliya va Shveytsariya terma jamoalari o'rtasidagi uchrashuv 6 dekabr kuni bo'lib o'tadi.