Xabi Alonso Dani Karvaxal qancha vaqtga safdan chiqqanini aytdi

 31 OKTYABR, 2025, 15:30

Madridning "Real" klubi bosh murabbiyi Xabi Alonso jamoa himoyachisi Daniel Karvaxalning tiklanish muddati haqidagi savolga javob berdi.

«Dani Karvaxal 7-8 haftani o'tkazib yuboradi. Uni intizorlik bilan kutamiz», - deya Alonsoning so'zlarini keltiradi jurnalist Fabritsio Romano.

Avvalroq, 33 yoshli futbolchining tizza bo'g'imida muammolar borligi aniqlangan, shu sababli ispaniyalik hatto operatsiya o'tkazishga majbur bo'lgandi.

Joriy mavsumda "Real" sardori barcha musobaqalarda 8 ta o'yinda maydonga tushdi.