Indzagi: "Biz ajoyib o'yin o'tkazdik"
21 DEKABR, 2023, 09:54
"Inter" bosh murabbiyi Simone Indzagi Italiya kubogi 1/8 finalida "Bolonya"dan uchralgan mag'lubiyatdan so'ng (1:2) o'z fikrlari bilan o'rtoqlashdi.
"Uchrashuvni qanday tahlil qilish kerak? Afsus... Chunki oxirgi ikki yilda Kubokni qo'lga kiritdik va butun o'yin davomida oldinda edik. Biz g'alaba qozonishga haqli edik.
O'yinning so'nggi 15 daqiqasini faqat tanqid qilishim mumkin. Biz ajoyib o'yin o'tkazdik. Biz raqibning hisobda oldinga chiqib olishiga o'rganmaganmiz. Yigitlar norozi, biz chorak finalni xohlagandik, ammo, afsuski, shunday bo'ldi", - dedi Indzagi.
