Liga 1 turnir jadvalida yuqori darajada raqobat kuzatilmoqda

 31 OKTYABR, 2025, 13:48

Frantsiya chempionati turnir jadvalining yuqori qismidagi zichlik 2010-11 yilgi mavsumdan beri eng yuqori ko'rsatkichga etdi. Bu haqda Opta statistik portali xabar bermoqda.

Ayni vaqtda turnir jadvalida "PSJ" 21 ochko bilan peshqadamlik qilmoqda. 10 turdan keyin ikki ochkolik masofada "Monako", "Marsel", "Strasbur", "Lion" va "Lans" joylashdi.

14 yil oldin mamlakatning eng yaxshi 6 klubi o'rtasidagi 2 ochkolik farq 15 tur yakunlariga ko'ra qayd etilgandi. O'shanda turnirda "Lion" va "Marsel" peshqadamlik qilayotgandi. Sakkizinchi o'rinda (etakchilardan 5 ochko va xavfli zonadan 5 ochko) bo'lgan "Lill" yakunda birinchi bo'ldi.