logotip
Assalom-u alaykum, Mehmon!
Soat: 16:44
KirishA'zo bo'lish
TAVSIYA QILAMIZ
Yangiliklar tasmasi

Muhammad Saloh va boshqalar. "Chelsi"ning sobiq futbolchilari hozir qaerda?

 5 DEKABR, 2022, 18:19

Muhammad Salohning "Liverpul"dagi muvaffaqiyati "Chelsi" muxlislarida ko'plab savollar tug'dirishi aniq. Negaki, bir paytlar Salohning qadriga etishmagan. "Chelsi" o'sha klub edi. Misrlik futbolchi London jamoasida qadr topmaydi va u erni tark etadi. Ha, Saloh Angliyaga "Roma"dagi yorqin o'yinlaridan keyin qaytib keldi va bu davr u uchun muhim bo'lgan. Ammo hozir buning ahamiyati yo'q. Quyida Muhammad Saloh bilan 2016 yilda "Chelsi" tarkibidan ketgan futbolchilar va ularning taqdiriga qiziqib ko'ramiz.

Papi Jiloboji

"Chelsi"ning asosiy jamoasiga kira olmagach, senegallik futbolchiga APLda yana bir imkoniyat taqdim etiladi. U "Sanderlend"ga yo'l oladi. Ijara asosida o'tgan bir mavsumdan keyin, uning jamoasi Chempionshipga yo'l oladi. Jiloboji esa Frantsiyaga ketadi. U "Chelsi" bilan 2018 yilda butunlay bitimini tugatadi. Ayni damda 34 yoshli himoyachi Turkiyaning "Gaziantep" klubi sharafini himoya qiladi.

Stipe Peritsa

Xorvatiyalik futbolchi "Chelsi"dagi davrlarini asosan ijaralarda o'tkazgan. Peritsa Niderlandiya va Italiya klublariga berilardi. Vaqt o'tib, yosh hujumchi "Udineze" bilan doimiy shartnoma tuzishga erishadi. Shu sabab u londonliklar safini 2016 yilda butunlay tark etadi. 2020 yilda Peritsa "Uotford"ga kelib qo'shilgan. Ayni damda esa 27 yoshli hujumchining manzili Belgiyaning "Standart" klubi bo'lib turibdi.

Jon Svift

"Chelsi" akademiyasidan chiqqan Svift asosan yoshlar jamoasida o'ynaydi. U atigi bir marta asosiy jamoa safida maydonga tushgan. O'sha uchrashuv 2013-14 yilgi mavsumda yuz beradi. Bir necha mavsumlik ijaralardan keyin, Sviftni "Brentford" klubi sotib oladi. Ammo "arilar" rahbariyati yarim himoyachini "Riding" klubiga ijaraga beradi. U hozirda "Vest Brom" tarkibida harakat qiladi.

Ris Mitchell

Yana bir akademiya mahsuloti bo'lgan futbolchi, 2016 yilda "Chesterfild"ga tranfser qilinadi. U Ikkinchi ligada harakat qildi. Bir muddat Belgiyaga ham borib keldi. Ayni damda esa hujumchining makoni Islandiyaning "Vikingur" klubi bo'lib turibdi.

Marko Marin

Marin Eden Azar bilan bir kunda jamoaga olib kelingan edi. Ammo uning ishlari yurishmadi. Negaki, asosiy jamoada unga joy yo'q edi. Shu sabab, rahbariyat nemis futbolchisini 2016 yilda Belgradning "Tsrvena Zvezda" klubiga sotib yuboradi. Bugungi kunda Marin erkin agent bo'lib qolmoqda.

 

 

 


ISMATOV J.

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR