Spalletti «Yuventus» tarixiga kirdi

 31 OKTYABR, 2025, 13:30

Italiya terma jamoasi sobiq ustozi Luchano Spalletti Turinning "Yuventus" klubi bosh murabbiyi etib tayinlandi.

Football-Italia xabariga ko'ra, 66 yoshli mutaxassis "keksa sinora" tarixidagi eng yoshi katta bosh murabbiyga aylandi. Avvalgi rekordchi yana bir italiyalik murabbiy - Mauritsio Sarri edi.

Spalletti "keksa sinora" bilan kelasi yilning yozigacha mehnat shartnomasi tuzdi.

Bugun, 31 oktyabr holatiga ko'ra, "Yuventus" 15 ochko bilan A Seriya turnir jadvalida ettinchi o'rinda bormoqda.