Keyn faoliyati davomida bu ishni 8-marta uddaladi

 21 DEKABR, 2023, 08:48

"Bavariya" hujumchisi Xarri Keyn Bundesliganing 16-turida bo'lib o'tgan «Volfsburg»ga qarshi o'yinda (2:1) g'alaba to'pini kiritdi.

Angliyalik futbolchining joriy mavsumda barcha musobaqalar doirasida urgan gollari soni 25 taga etdi. Keyn faoliyati davomida sakkizinchi marta bir mavsumda kamida 25 ta gol urishga muvaffaq bo'lmoqda.

Xarrining bir mavsumda urgan gollari soni bo'yicha rekordi mavsum-2017/18da o'rnatilgan bo'lib, o'shanda u "Totenxem" safida 48 ta o'yinda maydonga tushib, 41 gol muallifiga aylangan.