"PSJ"ning sobiq futbolchisi pichoqlandi

 20 DEKABR, 2023, 22:00

"Napoli" va "PSJ" klublarining sobiq futbolchisi Esekel Lavessi pichoqdan jarohat olib, Urugvaydagi kasalxonaga yotqizildi.

El Observador nashri xabariga ko'ra, Lavessi oila a'zolaridan biri bilan pul masalasida janjallashib qolganidan keyin jarohatlangani ma'lum bo'ldi. Biroq ma'lumot hali tasdiqlanmagan.

Lavessi bir necha yil oldin butsalarini mixga ilgandi. Futbol olamida argentinalik futbolchi asosan “Napoli” va “PSJ”dagi o'yinlari bilan tanilgan. Italiya klubi safida 188 ta o'yinda Lavessi 48 ta gol urdi va jamoadoshlari uchun 56 ta golli uzatmani amalga oshirdi. "PSJ" klubi tarkibida esa argentinalik futbolchi 161 o'yin o'tkazib, 35 gol va 24 golga assistentlik qilgan.