"Manchester Siti" 17 yoshli serbiyalik futbolchi uchun kurashga qo'shildi

 20 DEKABR, 2023, 21:48

"Manchester Siti" "Partizan"ning 17 yoshli yarim himoyachisi Matiya Popovich xizmatlariga qiziqish bildirmoqda, deya xabar beradi insayder Fabritsio Romano ijtimoiy tarmoqda.

Manbaga ko'ra, futbolchi Belgrad jamoasi bilan joriy kalendar yili oxirigacha amalda bo'lgan shartnomasini uzaytirmaydi, demak, "shaharliklar" uni tekinga ko'lga kiritishlari mumkin.

Eslatib o'tamiz, "Milan" ham yosh futbolchiga da'vogarlik qilmoqda va oktyabr oyidan buyon u bilan muzokara olib bormoqda.

Joriy mavsumda Popovich Serbiya yoshlar ligasida 25 ta o'yinda ishtirok etdi va 11 ta gol urdi va jamoadoshlariga 5 ta golli uzatmani amalga oshira oldi.