"Arsenal" himoyachisi: "Men hech qachon bahona izlamayman"

 30 OKTYABR, 2025, 22:12

"Arsenal" himoyachisi Mayls Lyuis-Skelli asosiy tarkibdagi o'rnini yo'qotgani uchun hech qanday bahona izlamaydi.

O'tgan mavsumda sahnaga chiqqan Lyuis-Skelli o'zini "Arsenal"ning birinchi raqamli chap qanot himoyachisi sifatida ko'rsatdi va Angliyadagi debyutida gol urdi.

Bu mavsumda 19 yoshli Lyuis-Skelli odatda Rikkardo Kalaforiga yutqazib qo'ymoqda. U hali Premer-liganing joriy mavsumida asosiy tarkibda maydonga tushmadi, biroq Mayls bunga sabr qilmoqda.

"Men bu mavsumdan zavqlanyapman. Bu men uchun boshqacha tajriba, hozircha u qadar ko'p o'ynamayapman, lekin jamoaning bir qismi bo'lishdan rohatlanyapman.

Biz uchun pozitsiyalarda raqobat bo'lishi muhim va men jangchiman, shuning uchun men hech qachon tushkunlikka tushmayman. Menga qiyinchilik yoqadi. Bu yigitlar orasida bo'lish juda yaxshi.

Bu erda standartlar yuqori va hamma o'ynashni xohlaydi. Bu mavsumda saviya ancha yuqori bo'ldi, tarkibdagi o'rinlar cheklangan va siz shunchaki kurashishingiz kerak.

Oxir-oqibat, men shunchaki o'zimni ifoda etmoqchiman. Futbol - bu menga yoqadigan narsa va men hech qachon bahona qilmayman. Men shunchaki u erga borib, o'z fikrimni bildirishni xohlayman. Va bu orqali men menejer uchun variantlar yarataman", - dedi Lyuis-Skelli The Independent bilan suhbatda.