"Paxtakor" Suyunov bilan yangi shartnoma imzoladi

 4 DEKABR, 2022, 23:24

"Paxtakor" darvozaboni Eldor Suyunov jamoa safidagi faoliyatini davom ettiradi.

Klub va darvozabon o'rtasidagi yangi kelishuvga erishildi. Unga ko'ra, Suyunov 2024 yil oxirigacha "Paxtakor" safida qoladigan bo'ldi. Hozirga qadar u rasmiy o'yinlarda "Sherlar" uchun 104 uchrashuvda maydonga tushgan.

Jamoa tarkibida Eldor to'rt karra O'zbekiston chempionligini qo'lga kiritib, ikki martadan O'zbekiston Kubogi va Superkubogi, bir bor Liga Kubogida zafar quchgan.