logotip
Assalom-u alaykum, Mehmon!
Soat: 02:23
KirishA'zo bo'lish
TAVSIYA QILAMIZ
Yangiliklar tasmasi

Tanishing! Superliganing 2023 yilgi ramziy terma jamoasi

 20 DEKABR, 2023, 18:06

O'zbekiston Qatar mezbonlik qiladigan Osiyo kubogiga jiddiy tayyorgarlik ko'rmoqda. Shundan kelib chiqib, Superliganing o'zbekistonlik yulduzlari Katanets bilan Dubayda bo'lib turibdi. Jamoasini o'z ortidan ergashtirgan legionerlarimiz esa o'z oilasi bilan dunyoning turli chekkalarida hordiq chiqarmoqda.

Shundan kelib chiqib, Liga yilning eng yaxshilarini taqdirlash marosimini tashkil qilmaslikka qaror qildi. Biz 2023 yilda o'zini ko'rsatgan futbolchi va murabbiylarimizni birin-ketin e'lon qilib boramiz. Bu yo'lda bizga ekspertlarimiz yordam berayotgani haqida ma'lumot bergandik.

Shundan kelib chiqib, biz ramziy jamoa a'zolarini turli vaqtlarda bitta kafeda jamladik. Matnning qolgan qismiga o'tishdan oldin quyidagi video orqali bunga o'zingiz ham guvoh bo'lishingiz mumkin.

Ramziy terma jamoadan joy olish doim yoqimli. Xursand qiladigan tarafi, har bir pozitsiya uchun ikki-uch nafardan futbolchi jiddiy kurash olib bordi. Ayrim yulduzlarning ramziy terma jamoadan tushib qolganidan o'zimiz ham hafamiz. Zero ular chindan ham jiddiy ter to'kishdi. Biroq bizda faqatgina 11 nafar futbolchi uchun joy bor edi. Shundan kelib chiqib, Liga ramziy termasi Sizning qarashlaringizdan farq qilishi mumkin. Ammo ishonamizki, mazkur jamoa ajoyib ijrochilardan tuzib chiqildi.

Biz ramziy terma jamoaga murabbiy sifatida "Andijon" ustozi Aleksandr Xomyakovni tanlab oldik. Zero, "Paxtakor" har yilgidan ham ko'proq ochko yo'qotdi. "Nasaf" Superligadan ko'ra Chempionlar ligasida muvaffaqiyatliroq o'ynadi. "Navbahor" chempionlik uchun kurash olib bordi, ammo yakunda 3-o'rin bilan kifoyalandi. OKMK esa Superligada bir bosh baland sakray olmadi. "Neftchi" so'nggi turlarga borib sovrinli o'rinlardan chiqib ketdi. "Andijon" esa har qanday holatda ham o'z qarichidan balandroq sakray oldi.


Hujumdagi uchlik borasida ortiqcha izohga hojat yo'q. "Surxon" darvozasini qo'riqlagan Artyom Potapov Superliganing 12 uchrashuvida darvozasi dahlsizligini saqlay oldi hamda "Surxon"ning barcha uchun birdek qiyin raqib bo'lishiga hissa qo'shdi. Liga ramziy terma jamoadan joy olgan futbolchilarni bu muvaffaqiyat bilan qutlaydi. Aslida ulardan kam bo'lmasa-da, faqatgina ovoz berish yakunlariga ko'ra jamoaga kira olmay qolgan yulduzlarimizdan esa kelasi mavsumda yanada yaxshiroq ishtirok kutib qolamiz.

Superliga-2023. Yil ramziy terma jamoasi

Artyom Potapov (Surxon)

Hojiakbar Alijonov (Paxtakor)

Alibek Davronov (Nasaf)

Sherzod Nasrullaev (Nasaf)

Odil Hamrobekov (Paxtakor)

Jamshid Iskanderov (Navbahor)

Oston O'runov (Navbahor)

Dragan Cheran (Paxtakor)

Umar Adhamzoda (Neftchi)

Silvanus Nimeli (Surxon)

Rubin Hebay (Andijon)

Bosh murabbiy: Aleksandr Xomyakov (Andijon).

Manba: stadion.uz

butsanet

telegram
BILDIRILGAN FIKRLAR
QIZIQARLI FAKT VA IQTIBOSLAR